12 Dekabr – Ümummilli Lider Heydər Əliyevin Anım Günü

12 Dekabr – Azərbaycan xalqının Ümummilli Lideri, müasir Azərbaycan dövlətinin qurucusu, dünya azərbaycanlılarının dahi şəxsiyyəti Heydər Əliyevin anım günüdür.

Azərbaycan tarixində silinməz izlər qoymuş Heydər Əliyev, milli dövlətçiliyimizin möhkəmləndirilməsi, ölkəmizin inkişafı və beynəlxalq arenada layiqli yer tutması yolunda müstəsna xidmətlər göstərmişdir. Onun uzaqgörən siyasəti və qətiyyətli addımları sayəsində Azərbaycan çətin dövrləri geridə qoyaraq sabitlik, inkişaf və tərəqqi yoluna qədəm basmışdır.

Bu gün hər bir azərbaycanlı Heydər Əliyevin parlaq xatirəsini dərin ehtiramla yad edir, onun əvəzsiz töhfələrinin şahidi olan müasir Azərbaycanın uğurlarını fəxarətlə yaşadır.

Ümummilli Liderin ideyaları gələcək nəsillərə yol göstərən mayak olaraq qalacaqdır.